أُضيفت بقسم عالم الإدارة والمال والأعمال و التسويق بتاريخ May 07, 2018

هذه هي مواد تخصص التسويق بجامعة الملك عبدالعزيز، في كلية الاقتصاد والإدارة.

بدايةً سنة ونصف مواد عامة بالكلية ثم يبدأ التخصيص، اقتصرت على ذكر مواد التخصص ولم أذكر المواد المشتركة أو العامة.

المستوى السادس:

سلوك المستهلك:  يعني قد ايش الماركتير يعرف المستهلك، عشان لمَا يجي يسوّق للمنتج لازم يعرف المستهلك كيف يفكر كيف يتعامل مع الموضوع كيف الرياكشن حقه (Reaction ) . كل شيء عن المستهلك جداً مهم بالنسبة للماركتيرز.  يختلف طبعا من اندستري لـاندستري ثاني بس فكرته وحدة إنه لازم أفهم المستهلك ايش يبغى وكيف سلوكياته، عشان أقدر أسوق للمنتج وأوصله بالشكل اللي يبغاه ويرضاه كمستهلك.

المستوى السابع:

بحوث التسويق: تأخذي نوعين رئيسية من البحوث : النوعي والكمي. النوعي اللي يعتمد على آراء وحل مشاكل ماهو الشيء الجيد، وماهي الايجابيات و السلبيات. النوعي هذا تحته استراتيجيات مرة كثير يستخدمها الماركتير. بالنسبة  للكمي اللي كله أرقام هنا نستخدم فيه برنامج معين هو اللي نسوي فيه هذي الأشياء، طبعاً الكمي كله ارقام بس مرة بسيطة ليست صعبة. في النهاية بتطلعي بنتائج وتوصيات للشركة اللي بتسوي لها هذا البحث التسويقي.

مثلاً للبحث التسويقي: أسوي بحث عشان اشوف أو أعرف قد ايش الناس واعية  بالبراند حقي ( Brand)، ايش المشاكل اللي تواجه الكستمرز ( Customers) . كل بحث وله طريقتهم المناسبة، طبعا كل نوع من انواع البحوث الاثنين لهم استخداماتهم ومختلفة طبعا عن الثانية وفيه بحوث أيضاً اونلاين كله بتتعلمونها إن شاء الله.

الاتصالات التسويقية:  كقنوات الاتصال وما إلى ذلك.

البيع وإدارة المبيعات: هي أكثر شيء يحتاجوه السيلز مان ( Salesman )، كيف نكون سيلز مان جيدين ايش الاشياء اللي مفروض نسويها، وايش لا كيف تتعاملي مع البوس حقك ( Boss) وكيف يكون تعاملنا لمّا حنّا المانجرحق السيلز مان، كيف نتعامل مع السيلز مان اللي عندنا، كيف ندربهم وهكذا.

المستوى الثامن:

التسويق الدولي: كله المنافذ وطرق التسويق اللوجستية وانتشاره بالعالم.

التسويق الالكتروني:  ندرس ( social media)  والتسويق الالكتروني بصفة عامة. يعني كيف حنّا كماركتيرز بنسوّث للمنتج عن طريق الاونلاين واستراتيجيات أخرى نتعلم متى نستخدم كله وحدة فيها.

المستوى التاسع:

إدارة التسويق: تتكلم عن الإدارة بشكل مفصل.

المستوى العاشر:

لك الخيار إما تدريب أو أخذ مواد اختيارية مخصصة.

 

مشرفة تخصص التسويق: الهنوف أمين.

 

 



ماذا تظن بهذه المقاله؟



0 تعليقات

التعليقات

قم بالتسجيل من أجل اضافة تعليق على هذا التخصص

يرجى تسجيل الدخول او تسجيل حساب جديد